اللهم من اراد في منتدى غرام النسائي سوء فاشغلـه في نفسه وراحتـــه وصحتــه وعافيـتـــه ورد كيده في نحرهـ واجعل تدميره له يارب اللهم ارني فيه عجائب قدرتك

قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

الإهداءات


 
 
العودة   منتدى غرام النسائي > |• آلـمــטּــتـديـآت آلأدبـيـة •| > |الروايات .... روايتي|
 
 

|الروايات .... روايتي|


ملاحظة: لا يسمح بالنسخ او الاقتباس

إضافة رد
 
LinkBack أدوات الموضوع إبحث في الموضوع انواع عرض الموضوع
#1  
قديم 11-11-2017
مديره عامه على المنتدى
قمر و هلال غير متواجد حالياً
قـائـمـة الأوسـمـة
وسام الابداع

وسام شكر وتقدير من الاداره

شعلة المنتدى

وسام قمر المنتدى

لوني المفضل Cadetblue
 رقم العضوية : 1346
 تاريخ التسجيل : May 2017
 فترة الأقامة : 252 يوم
 أخر زيارة : منذ 15 ساعات (08:11 PM)
 المشاركات : 8,243 [ + ]
 التقييم : 909
 معدل التقييم : قمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to behold
بيانات اضافيه [ + ]
Thumbs up ناظر عيوني وتدري وش كثر أهواك البارت 2)




البارت الثاني

في قصر نواف
نوف قدام التسريحه ..
رسمت العين بطريقة جذابة وحطت بلاشر وروج أحمر صارخ لبست ساعتها الألماس و حلقها ابتسمت وهي تتأمل شكلها بالفستان الأحمر القصير خذت عبايتها ولبستها وحطت الشيله على اكتافها وخذت شنطتها لبست كعب اسود عالي وطلعت من الغرفه شافت أمها قاعده بالصاله مع أختها وريما سلمت وباست رأس أمها
أم نواف : وين رايحه
نوف : عند اميره
أم نواف : طيب انتبهي لنفسك
نوف : أن شاءالله
ريما : انا بعد ودي اطلع طفش هاذيك الحيه طالعه و خالتي نوف بعد
أم نواف : كم مره قلت لك احترمي مرت خالك
ريما : ما أحبها
رشا : وين ودك تروحين ونطلع
ريما : نروح المول و نتمشى وبعدها نروح المطعم نتعشى
رشا : و نخلي جدتك بروحها
ريما : يمه تعالي معانا
ام نواف : طيب
ريما بفرحه : يس

*****

في المول
فيصل قاعد يقز في البنات
نواف : بس خلاص كلت البنات بعيونك
فيصل : قوم نمشي ابي أرقم
نواف يهز رأسه : متى بتعقل عن حركاتك هاذي
فيصل : يالله
نواف عدل الكآب ووقف : طيب
فيصل : شفت بنت صاروخ بس ما شفت وجها
نواف بسخرية : احلف بس صاروخ وماشفت وجها
فيصل ابتسم : باين عليها مغروره وصعبه
نواف : هه كل هذا عرفته وبس شفتها وهي ماشيه
فيصل : انا نظرتي في البنات ما تخيب
نواف : خف علينا
فيصل مر من جنب أكثر من بنت الي مشت وما عبرته والي عطته نظره ولفت تكمل طريقها و كذا وحده رمى عليها الرقم ما يدري من تجاهلته و من خذته لأنهم كثير بناات حتى ما يعرف كم عددهم بس الي متأكد منه فيصل انه اكيد وحده من هالبنات راح تتصل عليه ويبدأ يلعب عليها دوى العاشق
نواف : الله يهديك حركاتك هاذي حركات مراهقين ما راح تبطلها إلا إذا تزوجت
فيصل : لا ما ابي أتزوج خلني كذا عايش حياتي ومرتاح

*****

في إحدى الاستراحات
قاعد يطالع في الشباب ببرود انتبه لصاحبه يكلمه : ناصر ماتبي سيجاره
ناصر : لا
ياسر : وش فيك صاير نفسيه
ناصر لف له : ياسر خلني بحالي
ياسر : طيب نصور عطني شقتك اليوم
ناصر : ليش وش تبي فيها
ياسر : الصراحه شبكت بنت وأبي اعزمها لشقه وابتسم بخبث
ناصر طالعه ببرود وما خفيت عنه ابتسامته : مع الأسف كان ودي اخدمك بس مفاتيح الشقه سلمتها لصاحبها أمس تعرف كنت ما أخذها ايجار
ياسر : اووف على حظي سلمتها
ناصر ما رد ومفتاح الشقه معه بس ما يبي يعطيه

*****

جراح بعد ما تمشى مع اخته راح لبيته
فاطمه : هلا والله بروان هلا بالغاليه
روان تسلم عليها : هلا فيك حبيبتي اخبارك وأخبار بيونه
فاطمه : بخير وأنتي كيفك
روان : الحمدلله
جاتهم بيان تصارخ : عمه لوان
روان نزلت لمستواها وضمتها : عيون عمتك اشتقت لك يا حلوه
فاطمه بعد ما قدمت لها الضيافة قعدت جنبها تكمل معها السهره أما جراح راح يأخذ له شور و يرتاح
فاطمه : كيف أهل زوجك معك
روان : الحمدلله بس أمه للحين ما حبيتها وبنت أخته غاثتني ابي اذبحها
فاطمه : روان أهل زوجك لازم تحترمينهم
روان : اوف خلينا منهم نواف مجنني
فاطمه : ليش وش سوى لك
روان : مو قادره أفهمه يا فاطمه وبعد تغير كثير
فاطمه : مد يده عليك
روان بهدوء : لا ولا مره مد يده علي
فاطمه : طيب ما يحترمك
روان هزت رأسها بالنفي : لا
فاطمه بغموض : أجل أحمدي ربك على العيشه الي انتي فيها غيرك يتمناها
روان تنهدت : بس يا فاطمه هو إنسان يارد وأحيانا متبلد
فاطمه : طيب عادي انتي تقدرين تغيرينه
روان : هزت رأسها بالنفي : مستحيل حاولت بس ما قدرت
فاطمه : تبي تغير الموضوع : بيان نامت
روان طالعتها وهي نايمه على فخذها مسحت على شعرها : ايه فديتها والله
قامت فاطمه شالت بيان : باوديها غرفتها وراجعه

*****

شوق ماسكه كتاب في يدها وتقرأ رفعت رأسها لساعة الي على الجدار تنهدت الساعه الي قربت تصير 12 وشهد للحين ما جات والله لو يدري ناصر بيذبحهامسكت جوالها الي مرمي جنبها على السرير
واتصلت عليها ما طولت في الرد : الو
شوق : شهد يالله تعالي البيت
شهد : طيب وين فارس
شوق : والله شكله نام
شهد شهقت : دجاجه هو ينام مبكر
شوق : والله هو من يومه ما يحب السهر
باشوف لك زياد
شهد : طيب
شوق : وش فيها خلود وش تقول لك
شهد : ما ادري يالله مع السلامه
شوق : مع السلامه
مسكت جوالها الي مرمي جنبها شهد : خلود يالله امشي معاي
خلود : طيب

زياد تم يطالع خلود : شهد يالله
شهد : مع السلامه
زياد : الحين هاذي انتي متأكده أنها بنت
شهد : ليش انت وش شايفها
زياد : والله لبسها شكلها ولد
شهد : زيادوه ترى هي بنت خلاص
زياد بقرف : بنات آخر زمن
شهد : والله يا النتفه طلع لك لسان
زياد : أولا لا تقولين نتفه وخلك ساكته
شهد عصبت بس هم في الشارع سكتت
زياد فتح باب البيت ودخل ودخلت وراه شهد
نزلت اللثمه
زياد شاف أمه في الصاله : السلام عليكم
أم خالد : وعليكم السلام وين انتي هايته لها الوقت
شهد : كنت عند خلود
أم خالد : عند خلود متأكده .. ايه ما عندك
الي يربيك و يكسر رأسك طول الوقت هايته
شهد بقهر : انا متربيه احسن تربيه
أم خالد : واضح والدليل انك توك مشرفه البيت انتي تبين تفضحينا الله يأخذك
شهد عصبت : لا يا خاله تراك زودتيها ومالك دخل اروح وارجع متى ما ابي بكيفي
أم خالد ضربتها كف ومسكتها بشعرها : ترفعين صوتك علي والله لا اربيك يا حقيره
زياد راح بسرعه يطق الباب على شوق
شوق فتحت بسرعه : زياد وش فيك
زياد بسرعه : امي تضرب شهد روحي لها بسرعه
شوق توسعت عيونها وبسرعة راحت تركض نزلت الدرج لا إلا شهد هي دلوعتهم و ما تنضرب
دفت أم خالد بقوه عن شهد الي الي تبكي من ألم
شعرها ووجها الأحمر ضمتها شهد وهي تبكي :
الله ينتقم منك
شوق بعدت عنها : روحي غرفتك
شهد راحت تركض وهي مقهوره وتبكي
شوق : ليش تضربينها
أم خالد مقهوره من دفتها لها ومعصبه من شهد : اضربها و أكسر رأسها بعد
شوق بعصبية : لا يا خاله مالك حق تضربينها غلطت عليك
قولي لاخوي ناصر وهو يربيها
أم خالد : لا انا الي بربيها فوق ماهي هايته في الشوارع تطول لسانها علي معذوره محد رباها بس انها ترجع البيت نص الليل لا هاذي ما ينسكت عنها ما نبي فضايح
شوق بعصبية : كافي لا هنا وبس ما اسمح لك أختي متربيه وأحسن تربيه وصرخت بقهر : الله يرحمك يبه لو كنت عايش ما كنا انذلينا عند وحده ظالمه ما تخاف ربها
أم خالد عطتها كف : جب لا تنسين انك في بيتي يا قليلة الأدب
شوق : الله يأخذك تدرين اكرهك حسبي الله عليك انتي ما تخافين الله تقولين يتامى حرام عليك الي سويتيه فينا
أم خالد مسكتها من شعرها وسحبتها بقوه وهي تغلي من القهر والغضب وصلت المطبخ وخذت السكين : والله لادفعك ثمن كل كلمه قلتيها
شوق توسعت عيونها بصدمه : وش راح تسوين
ام خالد وهي تحط السكين على الفرن بعد ما شغلته
وبحقد : الحين راح تشوفين
شوق بألم من شدها لشعرها : فكي شعرها الله يأخذك
صرخت وهي تشوف أم خالد ترفع السكين : لا فكيني وخري عني لااااا لااااا صرخة ألم طلعت منها بعد ما لامست السكين
كتف يدها بكل قسوه حست راح تموت من ألم الحرق صارت تبكي وتشهق زياد راح بسرعه بعد ما سمع صراخها وقف مكانه مصدوم وهو يشوف شوق والحرق الي بكتفها

خالد دخل البيت وهو يلعب بمفتاح سيارته بس وقف وهو يسمع صوت بكاء من المطبخ توجه بسرعه وهو يشوف زياد واقف ومصدوم : زياد
زياد بس ما رد عليه
دخل المطبخ انتبه لسكين بيد أمه ولف وجهه لجهة شوق الي تبكي وماسكه يدها توسعت عيونه بصدمه وراح لها بسرعه وبقهر : يمه ليش وش سوت لك حتى تحرقينها حرام عليك
شوق دفته من قدامها وبصراخ : الله ياخذك انت وامك وراحت تركض لفوق وهي تبكي
خالد مقهور و بهدوء : ممكن اعرف ليش
الأم بصراخ : لأني اكرهااا واحده استفزازية ووقحه وقليلة أدب ما تحترم أحد
خالد بعصبيه : بس حرام الي سويتيه فيها والله حرام عليك
ألام بعصبيه : تستاهل أكثر من كذا الله يأخذها هي وأخواتها وافتك منهم
زياد بهدوء : بس يمه الي سويتيه غلط
الأم بعصبية : زياد انكتم وروح نام ما ابي اشوف وجهك
زياد بضيق طلع
خالد : معه حق يمه الي سويتيه غلط في طرق ثانيه غير الحرق
الأم وهي ترص على أسنانها : انقلع من قدامي
خالد تنهد أمه دائما تدور المشاكل وتطلع حرتها في هالمسكينه حس بحزن وشفقه على حالها

شوق بسرعه دخلت غرفة ناصر لأنه محد دائما يتأخر تسندت على الباب وهي تبكي بقوه .. حاولت تهدى خذت نفس وقفت وراحت تغسل وجها والم الحرق يزداد طلعت وراحت للكبت وطلعت علبة الاسعافات الاولية طلعت مرهم للحروق وقفت قدام المرايه تشوف الحرق حطت عليه المرهم حست بألم وحرقه عضت شفتها وبعدها لفت يدها بشاش مسحت دموعها وخذت شماغ وخلته على اكتافها علشان ما تشوف الشاش رجعت العلبه مكانها وطلعت من الغرفه و راحت لشهد دخلت الغرفه
شهد وهي تشوف عيونها الحمراء الي واضح أنها باكيه وخشمها الوردي وقفت بعصبية : شوق سوت لك ضربتك والله الحين اروح اتوطى ببطنها
شوق مشت من جنبها : لا
شهد : هذا شماغ من
شوق : شماغ ناصر وبكذب : قالي أغسله له وخذت لها بجامه كم طويل وراحت تبدل
طلعت وقعدت على السرير وسندت ظهرها لوراء
شهد بهدوء : شوق وش فيك
شوق ابتسمت غصب : مافيني شي حبيبتي و يالله نامي
شهد قعدت على سريرها : ابي انام جنبك
شوق وهي تحس بالألم خف شوي فتحت يدينها لها : تعالي
شهد راحت و انسدحت جنبها
شوق وهي تمسح على شعرها : يالله نامي
شهد بغرور : الدلع انكتب باسمي
شوق ابتسمت : مو وقت غرورك الحين
شهد ضحكت
شوق نزلت دموعها بصمت شافت شهد نامت عدلت رأسها على المخده وتذكرت انه بكره اول يوم دوام لها ولازم تروح بدري انسدحت وتغطت

فتحت عيونها بتعب حست بحرقه فيها قفلت عيونها ورجعت فتحتها التفتت جنبها شافت شهد نايمه باستسلام ابتسمت وهي تمد يدها لجوالها قفلت المنبه بعدت اللحاف عنها وقفت وراحت تأخذ شور وتصحصح توضأت وصلت الفجر وقفت قدام التسريحة تسرح شعرها تجمعت الدموع بعيونها وقسوة مرت عمها معها تمر أمامها هزت رأسها ما تبي تذكر طالعت كتفها بس الحرق راح يبقى أثره موجود على كتفها خذت نفس عميق ما تبي تبكي عيونها تحرقها من البكاء خذت العبايه ولبستها والشيله راحت تقوم شهد لصلاة وبعد محاولات قدرت تصحيها نومها ثقيل و نزلت تسوي روتينها اليومي .. سوت فطور وجهزته على الطاولة بعد ما خلصت راحت تصحي اخوانها
طقت على فارس فتح بابتسامة : صباح الورد والجوري لاحلى شوق بالدنيا
شوق ابتسمت : صباح النور اشوفك صاحي و رايق ماشاء الله وش عندك
فارس : افااا بدل ما تقولين لي أن شاء الله دوم هالروقان وبعدين أحد يتصبح بهالوجه وما يروق
شوق ضحكت : هههههه ما تجوز عن كلامك العسل أن شاءالله دوم هالروقان يالله أنزل بروح أصحي ناصر
فارس ضحك : طيب
راحت لغرفة ناصر طقت الباب أكثر من مره بس ما في رد هزت رأسها بيأس اكيد للحين نايم فتحت الباب بهدوء و الغرفه باارده دخلت ومسكت ريموت التكييف وقفلته و مشت لستاير وفتحتها راحت لسريره وصرخت : نصور قوم الصلاه طافتك
ناصر بتذمر : شوق قفلي الستاير ولا تصارخين
شوق : ناااااااصر
ناصر بتأفف رمى اللحاف وقعد : وجع ليش هالصراخ
شوق : الصلاه اخرتها قوم صل ويالله ما باقي شي على دوامك يبي لك ساعه تجهز و تنزل تفطر يالله
ناصر : اووف شوق انقلعي
شوق : تطردني من غرفتك
ناصر : ايه يالله برى
شوف بقهر : الشرهه علي الي جايه اصحيك تصلي و مشت للباب
ناصر وقف بسرعه : زعلتي
شوق ابتسمت : لا يالله لا تتأخر
نزلت تفطر وهي متجاهله أم خالد وخالد سلمت على رأس عمها وقعدت جنب فارس تأكل بهدوء
شوق : أن شاء الله اليوم بيكون اول يوم لي في الدوام
أبو خالد : الله يوفقك يا بنتي
فارس : انتبهي لنفسك
شوق : ان شاء الله
وقف فارس : يالله شهد
شوق : بحفظ الله
أبو خالد وخالد وزياد : مع السلامه
خالد وهو يناظر شوق الي ما رفعت عيونها غير لشهد وابوه وقف : يالله زياد بوصلك
زياد : روح بروح مع الباص
خالد : لا انا بوصلك لأن مو مستعجل اليوم
زياد : طيب
ناصر بعد ما تجهز نزل رايق سلم على رأس عمه وقعد جنب شوق الي كانت سرحانه .. بعد ما كمل أكله التفت على شوق : شوق
صحت من سرحانها : هلا
ناصر : يالله تجهزي بوصلك لشغلك
شوق ابتسمت : ما ابي أخرك على شغلك باروح مع السواق
ناصر وقف : طيب اذا تبين شي دقي علي اوكي
شوق : اوكي
ناصر : مع السلامه
شوق : الله وياك طالعت على السفره ما باقي أحد غيرها شالت الصحون والكأسات وغسلتهم بعد ما خلصت شافت الساعه سبع ونص ..
لبست عبايتها والشيله وحطت جوالها وبوكها في الشنطه ولبست ساعتها وخذت اللثمه ونزلت وهي متوتره من أول يوم دوام لبست اللثمه وركبت مع السوق زاد ارتباكها بعد ما تحركت السياره ..

*****

ريما وصلت المدرسه وهي تتأفف مالها خلق تداوم اليوم بس أمها غصبتها تأففت زياده وهي تسمع الإذاعة المدرسيه مشت وصلت لصفها ورمت الشنطه على الأرض و تكتفت تنتظر متى يخلص هالطابور
لفت عليها صديقتها : ريما وش فيك
ريما : مافيني شي
رفعت حاجب وهي تشوف ملامح ريما ابتسمت : وش فيك جايه المدرسه غصب
ريما طالعتها وبعدها هزت رأسها بأيه
نجود ضحكت : تستاهلين
لفت الاستاذه لهم بعصبية : بس اسكتي انتي وياها
انتهى الطابور وكل صف راح لفصله بدت الحصه دخلت عليهم المعلمه سلمت وردوا السلام الطالبات وبدت بالشرح
ريما فجأه رفعت يدها
الاستاذه : ريما اذا كان سؤالك مو في الدرس الأفضل ما تسألي
ريما وقفت وبلقافه : ابله ليش عيونك زرق
البنات ضحكوا على سؤال ريما
الاستاذه عصبت : ريما اطلعي برى
ريما : خلاص ابله آخر مره
الاستاذه : ما ابي أسئله خارج الدرس فاهمه
ريما قعدت : ايه فهمت
نجود : الله يهديك انتي واسألتك
ريما : طفشت وبعدين هذا لون عيونها ولا عدسات
نجود : الله يخلف على أمك اكيد لون عيونها اذكري الله
ضحكت ريما بهدوء وهي تذكر الله
*****

جالس على الكنبه وقدامه على الطاوله اللاب توب ومركز في البورصه وفي يده سيجاره ينفث الدخان
قامت من نومها متضايقه انكتمت من دخان السيجاره الي ملئ الغرفه تكلمت بضيق : صباح الخير
نواف : صباح النور
روان بعدت البطانيه وهي متضايقه يعني الجناح شكبره والقصر أكبر مالقى إلا هنا في الغرفه يدخن : يعني الحين ما حلا لك التدخين إلا هنا

نواف رفع حاجب ولف لها : كيفي ادخن بالمكان الي يعجبني فاهمه
روان وقفت وبقهر : طيب فهمت بس انا انكتمت على الأقل افتح الشباك اووف
نزل السيجاره في الطفايه وقف وراح قدامها وهو يقول بفحيح : ما سمعت عيدي
روان ارتجفت من نبرة صوته رجعت خطوه لوراء وتعلثمت : أ أ نواف قاطعها مسك معصمها بقوه وهو يرص على أسنانه : والله لو سمعتك تكلميني بهالأسلوب ما راح يعجبك الي بسويه
روان بلعت ريقها بخوف هي تعرف نواف اذا عصب ما يعرف أحد : خلاص والله ما عيدها
فك معصمها وهو يناظرها بحده لف ظهره عنها ورجع يكمل تركيزه على شغله في اللاب
نزلت عيونها لمعصمها وهي تشوف الاحمرار وآثار أصابعه عليه انقهرت حبست الدمعه وفي نفسها : انا الغلطانه الي كلمته بهالأسلوب وانا اعرف ان ما يحب أحد يكلمه كذا راحت تأخذ لها سوى وتنزل تحت

*****

وصلت شوق لشركه و لا زالت متوتره من أول يوم دوام لها نزلت نظرها للأرض ومشت بثقه وهي تلقي السلام على الموظفين راحت مع إحدى الموظفات توريها المكتب وبابتسامه : هذا راح يكون مكتبك واذا احتجتي أي شي انا موجوده
ابتسمت شوق : مشكوره أن شاء الله ما تعبك معاي
مناير : العفو
قعدت شوق على الكرسي وراء المكتب وبدت مناير ترويها شلون شغلهم وبعدها طلعت

*****

في الجامعه

نوف قاعده في يدها كتاب وجنبها اميره قفلت الكتاب
ورفعت رأسها جات عينها بعين بنت قدامها ما فهمت شي من نظراتها هل هو حقد كره قهر

البنت الي قاعده تقز نوف : هه شوفيها بنت عز باين على شكلها
الي جنبها سهام : ايه فلوس اخوها تغطي عين الشمس
دلال البنت الأولى : أخ فطوم عليها حظ خذت جراح ال ولد عمها
سهام: أي والله عليها حظ يكسر الصخر
دلال بحالميه : يارب أخذ نواف
ضحكت سهام : هههههه حلمي على قدك
دلال طالعت : أوف قومي نتمشى
سهام وهي تضحك : يالله

*****

فيصل قاعد يشرب قهوه رن جواله .. شاف الرقم غريب رفعه ورد بروقان : الو
وصل له صوت انثوي : الو هلا
فيصل الصوت ما سمعه من قبل ابتسم بخبث : اهلين من
البنت بدلع : انا دانه الي عطيتها رقمك في المول والا شكلك رقمت بنات كثير وما عرفت انا أي وحده
فيصل مثل ما توقع أنه اكيد وحده من هالبنات راح
تتصل فيه : لا حبيبتي متذكرك وانتي بس الي عطيتها الرقم يا أحلى دانه
دانه بخجل ودلع : حبيبتك مره وحده تونا ما تعرفنا على بعض
فيصل : انا فيصل الـ تدرين دنو من لما شفتك في المول وانا فيك
دانه شهقتها فيصل الـ ابتسمت : من جد فصول
فيصل ابتسم وبدأ يمثل العاشق الي له خبره فيه

*****

نهاية دوام المدارس
ريما وهي تلبس عبايتها والشيله وسألت الشنطه وطلعت والنقاب في يدها : نجود تعالي اليوم عندنا
نجود وهي ماشيه معها : ما اقدر
ريما : ليش
نجود : تعرفين بابا اكيد ما بيرضى
ريما وقفت قبل لا تطلع من المدرسه وهي تلبس نقابها : بس انتي مو جايه عند أحد غريب بيت ولد خالتك وتشوفين خالتك
نجود : هنا المشكله بابا ما يحب نواف ولا يحب طاريه
ريما طالعتها باستغراب : ليش خالو طيب كثير
نجود : ما ادري يالله مع السلامه تأخرت على الباص
ريما بضيق : مع السلامه وتوجهت لسيارة السواق

*****

رجعت البيت والابتسامة مرسومه على فمها استانست في شغلها وحبته كثير : السلام عليكم
الكل : وعليكم السلام
ناصر : تعالي تغدي
شوق وهي تفسخ نقابها : هيئ تتغدون بدوني ما هقيتها منكم
أبو خالد : ههههه لا يا بوك يالله تعالي قبل لا يبرد
خالد يطالعها عكس لما راحت مبين عليها رايقه ومستانسه ابتسم يعشقها بجنون
شوف انتبهت له مشت وجلست جنب فارس : غريبه جايين بسرعه
فارس ضحك : هذا لأنك متعوده تكونين اول وحده قاعده على السفره
شوق : ايه والله واقعد انتظر واحد واحد غرفت لصحنها وهي تأكل بهدوء
أم خالد تضايقت الحين صار شغل البيت كله عليها بعد ما كانت مرتاحه وتضايقت أكثر وهي تشوف شوق مبسوطه وقفت وقالت : دايمه

*****

قاعده على السرير وفاتحه كتاب الرياضيات قدامها وماسكه جوالها في يدها تطقطق فيه نزلت الجوال وحاولت تدرس معاناه مع هالرياضيات صعب قفلت الكتاب وتأففت لو تقدر تروح عند نجود تدرس معها وتستانس وقفت وطلعت من الجناح
شافت روان تنزل الدرج لحقتها : روان روان
روان لها : نعم
ريما : أمم تبين خالو ينهبل عليك
روان رفعت حاجب : ومن قال لك ان خالك مو خاق علي
ريما مسكت يدها : طيب تعالي معي بسوي لك مكياج فضيع أمس شفت خالتي نوف تسويه روعه وانتي تعرفينها خبره بالميك آب
روان مشت معها : طيب
ريما دخلتها جناحها و بدت تحط لمساتها وختمها بروج أحمر صاارخ
ريما : واااو
روان لفت جهة المرايه بتشوف بسرعه وقفت ريما قدامها : لا لا خالو اول شخص لازم يشوف هالجمال كله
روان رفعت حاجب
ريما انتبهت لاحمرار خفيف على معصمها : روان وش فيها يدك
روان : هاه لا بس الأسواره الي كنت لابستها ضيقه وبزور طلعت
ريما رفعت يدها تشوف الساعه صارت خمس : يالله تعالي مشت مع روان وطلعوا من الجناح : روان يالله روحي استقبلي خالو الحين بيجي

دخل البيت شاف أمه ورشا بالصاله سلم على رأس أمه واستأذن بيروح جناحه وهو ماشي انصدم وتوسعت عيونه
روان بدلع : حبيبي جيت
نواف رفع حاجب : وش شايفه يعني
روان انحرجت
جات نوف وأول ما شافت روان انفجرت ضحك لف لها نواف ما يلومها هاذي لاعبه بوجها كتم ضحكته
روان : وش فيك مو حلو
نوف : بالله من سوا لك المكياج طالعه كأنك مهرج
روان بصدمه : ايش
نوف وهي تضحك : هههههه فضيعه
طلعت أم نواف و رشا من الصاله على أصواتهم
أم نواف شهقت : هيئ روان وش مسويه في نفسك
رشا : روحي غسليه تضحكين
نوف : هههههههه من مسوي فيك كذا
ريما نزلت وهي تحاول تكتم ضحكتها
روان بقهر : ريما راحت للمرايه الي قدام الباب وانصدمت وتجمعت الدموع بعيونها من المنظر الي هي فيه
رشا : ريما ليش تسوين في خالتك كذا انا بربيك يا قليلة الأدب وراحت لها
ريما بسرعه ركضت وراء جدتها : يمه تكفين انا بحمايتك
رشا : يمه خليني اربيها وانتي ما قلتي عليك امتحان رياضيات اشوفك ما ذاكرتي
ريما : ماما الرياضيات صعب وقلت اسوي مقلب صغير مع مرت خالو
نوف : أما مقلب ما راح تنساه
ريما من وراء جدتها : اعجبك خالتي خلاص المره الجايه الدور عليك
نوف : رشا كفخيها من جد يبي لها أحد يكوفنها
نواف الي كان ساكت لف نظره على روان وشاف الدموع متجمعه بعيونها ومنحرجه من المقلب بصوته الجهوري : ريما
ريما : سم
نواف : سم الله عدوك اعتذري من روان
ريما طلعت من وراء جدتها : عادي هو مقلب صغير
نواف بحده : قلت اعتذري
ريما ارتجفت من حدة صوته وبهدوء : آسفه
رشا : ايه شد عليها مو مخربها إلا دلعك لها
نواف بأمر : روحي ذاكري لامتحانك
رفعت نظرها لروان شافت ابتسامتها انقهرت : أن شاء الله وراحت تركض لدرج متوجهه لجناحها
نوف : نواف ليش تصارخ عليها أن تعرف أن ريما دلوعه وحساسه
مشى نواف وما رد على نوف باتجاه المصعد الي نادرا يستخدمونه

*****

صرخت بذعر : لاااااااااااا تنفسها سريع وجسمها يرجف دقات قلبها سريعه لفت بعيونها بالمكان مسحت جبينها المتعرق حضنت المخده لصدرها بقوه : أعوذ بالله من الشيطان الرجيم لفت ليسارها ونفثت ثلاث مرات وهي تحاول تتنفس بهدوء
دخلت شهد و توسعت عيونها وهي تشوف أختها حاضنه المخده وترجف ركضت بسرعه
لها : شوق وش فيك
شوق خذت نفس عميق : مافيني شي بس شفت كابوس
رن منبه جوالها اللي وقتته يصحيها قبل أذان المغرب مدت يدها الي لا زالت ترجف للجوال وقفلت المنبه
شهد حضنتها : حبيبتي خلاص ليش ترجفين كان مجرد كابوس
زفرت بقوه هالكوابيس صار لها شهر ما جاتها ليش الحين ، ارتفع اذان المغرب بعدت عن شهد وهي
تردد مع الأذان هدت رجفتها وقفت وراحت تتوضا
وعيون شهد تراقبها تنهدت بحزن على أختها
طلعت شوق لبست جلال الصلاه وطبقت السجاده
شهد بعد ما صلت لفت على شوق : شوق خاطري في تشيز كيك
شوق : طيب من في البيت
شهد : بس زياد قاعد يلعب بلاستيشن اما أمه راحت زياره والباقي ما ادري وينهم
شوق طالعتها وابتسمت : يالله المطبخ وراح اسوي بالفانيلا
شهد : لا ابي بالكاكاو
شوق دفتها لبرى بعد ما لبست شيلتها راحوا المطبخ وبدوا التجهيز لتشيز الكيك
بعد ما دخلت التشيز كيك الفرن جلست على الطاوله وشوق لفت تغسل الصحون سمعت صوت خطوات حست برعشه بجسدها بسرعه عدلت شيلتها كملت تغسل هو مافي صحون كثير بس ما تبي تلف وراها
سمعت صوته : اووه شهد في المطبخ غريبه
شوق زفرت براحه : هذا انت
ناصر عقد حواجبه : ليش من كنتي تتوقعين
شهد بسرعه : قلت ادخل واسوي طبخه و بعدين توقعنا انك فارس لأن انت تتأخر
ناصر سحب الكرسي وقد : اها لا بس قلت اقعد مع خواتي احسن
شوق : جيت بوقتك مسويين تشيز كيك بالفانيلا الي تحبه
ناصر : جد والله مشتهيه
شهد : ترى انا الي سويته
ناصر : اول انزلي اقعدي على الكرسي وبس خلاص ما ابي اترقد في المستشفى كليه انتي
شوق طلعته من الفرن : هههههههه ناصر ذوق اول ترى انا كنت معاها
ناصر : عشانك بس لو صار لي شي تتحملين المسؤوليه
شهد ضربته على كتفه وبغرور : يحصلك تأكل من يد الشهد وطلعت وهي زعلانه
ناصر : شفتي الغرور
شوف وهي تزين التشيز كيك : طالعه عليك
ناصر رفع حاجب : الحين انا مغرور
قطع سوالفهم صوت أذان العشاء رددوا معه شوق : يالله روح المسجد ولما ترجع بتلقى القهوه جاهزه
وقاعدة في الصاله ننتظرك
طلع شاف زياد يلعب راح له : زياد يالله المسجد
زياد : بلعب شوي
ناصر : بنصلي وارجع اللعب
زياد وقف اللعبه وقام بيروحون المسجد

*****

طبقت السجاده وراحت قدام التسريحه وهي تشوف وجها بزور قدرت تشيل المكياج الي سوته لها ريما صحيح انقهرت وودها تذبحها على حركتها فيها قدام الكل وخاصة نواف بس استانست لأن نواف خلاها تعتذر لها وصرخ عليها الدلوعة الي ما تتحمل كلمه شكلها الحين قاعده تبكي في غرفتها ضحكت أوف يا كرهي لها البنت دعجت عيونها بالكحل تأملت عيونها البندقية الواسعه وشعرها البني الناعم اللي لتحت
اكتافها خشمها الصغير وشفايفها حلوه واسمرارها الي محليها قعدت على الكنبه وسندت ظهرها تنهدت بعمق طيب ليش نواف بارد معي ليش احسه مو طايقني لي 3 سنين ولا قدرت أفهمه بس أحبه واموت فيه اعشق هيبته ورزته وسامته رجولته الطاغيه طيبته حتى عصبيته قطع تفكيرها صوت باب الغرفه ينفتح ويتقدم بخطواته الواثقه : السلام عليكم
وقفت : وعليكم السلام
قعد على السرير تأملها باين ضايقه : روان
روان :هلا
نواف : قومي لبسي عبايتك بنطلع نتعشى برى
فزت من مكانها : جد
ابتسم : ايه ما ودك
روان بسرعه : لا دقايق بس اجهز نفسي
ابتسم لحماسها وقف وراح غرفة الملابس طلع لابس جينز وفانيله سماويه ولبس جزمته السوداء وطلع وقف قدام التسريحه سرح شعره الفاحم بسواده بس تمردت كم شعره على جبهته ورش عطره : روان يالله انا نازل
روان لبست عبايتها وشيلتها على اكتافها ونقابها بيدها وطلعت وراه لقت نوف طالعه من غرفتها : وين رايحه
روان بدلع : رايحه مع حبيبي نتعشى برى ونزلت بكعبها العالي الي صوته يصدح في ارجاء القصر

ريما الي كانت واقفه عند جناحها رفعت يدها كشتها وراحت لخالتها وتقلد روان : مع حبيبي نتعشى برى وع ياشين السرج على البقر
نوف انفجرت ضحك : هههههههههه اقول امشي وانتي ساكته

*****

شوق الي قاعده و مستانسه مع اخوانها وزياد وشهد
سوالف فجأه أنفتح الباب ودخلت أم خالد
شوق وقفت و مسكت يد شهد و راحو بسرعه
ناصر استغرب بس ما طول استغرابه بدخول خالد و هو يسلم
ردوا عليه السلام
أم خالد : زياد للحين ما نمت
زياد : يمه لس يخلص الفيلم
أم خالد : يالله قم بسرعه لا تنسى وراك مدرسه
زياد : بس
أم خالد : من غير بس يالله بسرعه
زياد وقف وهو متضايق ومقهور شنو ينام الحين
توها ما صارت عشر والفيلم حماس
ناصر يطقطق بجواله وفارس يطالع الفيلم ومندمج
قعد خالد : كيف الحال يا عيال العم
فارس : بخير وانت
ناصر : ماشي الحال
خالد رفع حاجب : الحمدلله بس غريبه ناصر اليوم في البيت
ناصر ببرود : ووين تبيني اروح يعني
خالد بخبث : تبي تقنعني انك ما صرت تروح الاستراحه
ناصر لف له : وش تقصد
خالد رجع ظهره للكنبه : يعني ما رجعت لسوابقك
ناصر بعصبية عطاه بوكس قوي
خالد وقف و رجع له البوكس
فارس بسرعه مسك ناصر ووقف بينه وبين خالد
خالد مسح خشمه الي ينزف دم وباستفزاز : ليش انا ما قلت شي غلط انت ما كنت مدمن وتشرب ولا تنسى الشقه بالله من بترضى فيك وهذا ماضيك

انتهى البارت

لا تحرموني من ردودكم و توقعاتكم فهي تشجعني وتدفعني للاستمرار ..








kh/v ud,kd ,j]vd ,a ;ev Hi,h; hgfhvj 2) kh/v ,j]vd hgfhvj




 توقيع : قمر و هلال


رد مع اقتباس
قديم 11-25-2017   #2
المدير العام للمنتدى


الصورة الرمزية موج البحر
موج البحر غير متواجد حالياً

بيانات اضافيه [ + ]
 رقم العضوية : 65
 تاريخ التسجيل :  Aug 2013
 أخر زيارة : منذ أسبوع واحد (04:42 PM)
 المشاركات : 39,209 [ + ]
 التقييم :  904
 MMS ~
MMS ~
 قـائـمـة الأوسـمـة
وسام العطاء

الإبداع

وسام شكر وتقدير

الوسام الذهبي

وسام الذوق الرفيع

مؤسس الموقع

وسام النجم المضيئ

شكر وتقدير

الوسام البرونزي

كبار الشخصيات

لوني المفضل : Cadetblue
افتراضي



قمر وهلال

جزاك الله الخير والثواب

وشكرا لك على الطرح الراقي

احترامي


 
 توقيع : موج البحر







رد مع اقتباس
قديم 11-25-2017   #3
مديره عامه على المنتدى


الصورة الرمزية قمر و هلال
قمر و هلال غير متواجد حالياً

بيانات اضافيه [ + ]
 رقم العضوية : 1346
 تاريخ التسجيل :  May 2017
 أخر زيارة : منذ 15 ساعات (08:11 PM)
 المشاركات : 8,243 [ + ]
 التقييم :  909
 قـائـمـة الأوسـمـة
وسام الابداع

وسام شكر وتقدير من الاداره

شعلة المنتدى

وسام قمر المنتدى

لوني المفضل : Cadetblue
افتراضي



موج البحر
مشكور على المرور المتواضع
نورت الصفحة و الموضوع
الله يعطك الف عافية


 
 توقيع : قمر و هلال



رد مع اقتباس
إضافة رد

الكلمات الدلالية (Tags)
أهواك, ناظر, وتدري, البارت, عيوني

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP HTML

الساعة الآن 12:05 PM

أقسام المنتدى

|• آلـمـنـتـديـآت آلإسـلآمـيـة •| | | فـي رحـآب آلإيـمـآن | | | رسـولـنـآ مـحـمـد صـلـى آلـلـه عـلـيـه وسـلـم | | | آلـصـوتـيـآت آلإسـلآمـيـة | | المنتديات العامـــــــــــه | | القسم عـآمـ | | | آفتح قلبكّ | | | الاخبار العاجله |• | اللغه English| | |• فـجـر جـديـد •| | ملتقى الاعضاء | |• إسـتـرآحـة آلأعـضـآء •| | نـجـوم أثـبـتـت وجـودهـآ ... فـي إبـدآعـهـآ | | كـرسـي آلإعـتـرآف ، ومـدونـآت آلأعـضـآء | | كـرسـي آلإعـتـرآف | مدونات الاعضاء | السياحـــــه والسفـــــــر | السياحـــــه والسفـــــــر | |• آلـمــטּــتـديـآت آلأدبـيـة •| | |الشعر الشعبي | | | خواطر نبضّ الوريد | | |الروايات .... روايتي| | |القصص العامه | | |• عـآلـم آلأسـرة •| | | عالم الطفل| | | آلـصـحـة وآلـرشـآقـة | | آلـمـطـبـخ | | فـنـكـ وبـيـتـكـ | | | عـآلـم آدم | | | جـمـآل وأنـآقـة حـوآء | | |• آلـتـرفـيـهـيـآت •| | عـآلـم آلـسـيـآرآت وآلـمـوآصـلآت | صـدى آلـمـلآعـب | جـنـون آلـصـور | الهبال والصرقعه | آلألـعـآب والتسالي | تـقـنـيـة تـكـ | بـرآمـج آلـكـمـبـيـوتـر | بلآك بيريّ | مـوبآيـلـي ... عـآلـم مـن إخـتـيـآري | Youtube | التصاميم والجرافيكس | المنتديات الإدارية | المحذوفات والمواضيع المكررة | قسـم المشرفين والمراقبين | الشكاوى والأقتراحات | الإدارة |



Powered by vBulletin® Copyright ©2000 - 2018, Jelsoft Enterprises Ltd.
Search Engine Friendly URLs by vBSEO 3.6.0 PL2 TranZ By Almuhajir
new notificatio by 9adq_ala7sas
This Forum used Arshfny Mod by islam servant

Security team

vEhdaa 1.1 by NLP ©2009