اللهم من اراد في منتدى غرام النسائي سوء فاشغلـه في نفسه وراحتـــه وصحتــه وعافيـتـــه ورد كيده في نحرهـ واجعل تدميره له يارب اللهم ارني فيه عجائب قدرتك

قال الله تعالى: { مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ } سورة ق الآية 18

الإهداءات


 
 
العودة   منتدى غرام النسائي > |• آلـمــטּــتـديـآت آلأدبـيـة •| > |الروايات .... روايتي|
 
 

|الروايات .... روايتي|


ملاحظة: لا يسمح بالنسخ او الاقتباس

إضافة رد
 
LinkBack أدوات الموضوع إبحث في الموضوع انواع عرض الموضوع
#1  
قديم 11-11-2017
مديره عامه على المنتدى
قمر و هلال غير متواجد حالياً
قـائـمـة الأوسـمـة
وسام الابداع

وسام شكر وتقدير من الاداره

شعلة المنتدى

وسام قمر المنتدى

لوني المفضل Cadetblue
 رقم العضوية : 1346
 تاريخ التسجيل : May 2017
 فترة الأقامة : 252 يوم
 أخر زيارة : منذ 15 ساعات (08:11 PM)
 المشاركات : 8,243 [ + ]
 التقييم : 909
 معدل التقييم : قمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to beholdقمر و هلال is a splendid one to behold
بيانات اضافيه [ + ]
Thumbs up ناظر عيوني وتدري وش كثر اهواك



سلام كيفكم حبيت اشاركم روايتي صح ترددت في البدايه في تنزيلها بس بعدين تشجعت وان شاء الله تنال اعجابكم واتقبل الانتقاد بأسلوب راقي تشجيعكم يدفعني للاستمرار ..




البارت الأول

في أفخم القصور
يجلس على مكتبه بين أنامله توجد سيجاره يأخذ النفس ويخرجه بغضب واضح و يبدو عليه الحزن والضيق والحقد والكره والانتقام اطفأ السيجاره بقسوة في الطفايه وقف وهو يضغط على رأسه
بيديه يحس رأسه بينفجر من التفكير مو قادر ينسى حادثة وفاة أخوه الي صار لها شهرين وبفحيح وبغضب ناري يحمل نشوة الانتقام والله والي خلقني راح اعرفك و أجيبك
مسك باكيت السيجاره وطلع ثانيه حطها بفمه وخذ الولاعه ليشعلها و يرتفع دخانها من جديد
غمض عيونه بألم : ليش قتلته ليش هو كان مريض يعني أيامه كانت معدوده و بيموت ليش تقتله
فتح عيونه وبنظرات حاده تحمل الحقد : والله لاندمك واخليك تكرهين حياتك والا انتي كفو تضربين النار علي وعلى اخوي
تخلخت أصابعه لشعره غمض عيونه وشاف طيفها وهي ماسكه المسدس وتصوب عليه
ضرب الجدار بقوة كبيره بيده اليمنى : الحقيره القاتله والله لأنتقم لأخوي منك تألم بقوه عض على شفته الألم فضيع لأنه في صدره جهة اليمين مصاب والجرح أنفتح مرتين بسبب عصبيته للحين ما تشافى و ضربته للجدار كانت قوية بس فقدان أخوه هو الألم الوحيد الي يعاني منه رمى السيجاره على الارض داسها بقوة فتح الدرج وطلع له المسكن الي وصفه طبيبه الخاص خذ له حبتين وشرب المويه
طلع من مكتبه وقفل الباب وراه بقوه
فزت بخوف ولفت عليه : حبيبي وش فيك
رد عليها : مافيني شي
مشى بسرعه بيطلع من الجناح
تكلمت : طيب وين رايح
لف عليها : روان عندي شغل وطلع من الجناح

قعدت على الكنبه وتنهدت : تغير حيل ما عاد نواف الي أعرفه سندت ظهرها على الكنبه : من لما مات فهد وهو متغير دايما مشغول البال وما يقعد في البيت على طول طالع صار
غامض ما قدرت أفهمه
ابتسمت بسخرية : وانا متى فهمته
نزل الدرج بخطوات سريعه وصل للباب بس وقفه صوت : خالو
لف وابتسم : حبيبة خالو
ردت : خالو وين رايح
نواف لعب بشعرها : ريوم عندي شغله تبين شي
ريما بابتسامة : سلامتك
نواف لف بيطلع
ريما : خالو انتبه لنفسك
نواف ابتسم لها وطلع .. توجه لسيارته تقدم الحارس
وفتح له الباب دخل السياره وقفل الحارس وراه
تكلم وقال لسواق يمشي .. حرك السواق على
المكان المحدد

****

في بيت متوسط الحجم
فتحت الباب بدفاشه وصرخت : شوووووقوه ووجع
شوق فزت من نومها مفجوعه طالعت فيها
دقيقتين لحتى استوعبت
مرت عمها : إذن الظهر وانتي للحين نايمه يا جعلك
تنامين نومه ما بعدها قومه يالله قومي سوي الغداء
شوق تنهدت : طيب خالتي بس بصلي و بجي
عطتها نظره كره وقفلت الباب بقوه وراها
شوق حطت يديها على اذانها : كسرت الباب زين انه للحين ما طاح قامت خذت شور وتوضت ولبست جينز اسود وبلوزه بيضاء نص كم لبست جلال الصلاة وصلت فسخت جلالها و سرحت شعرها ورفعته سمعت صراخ خالتها نزلت بلبسها بدون طرحه لأنها تدري أن محد في البيت هالوقت تعودت انها تنزل كذا في هالوقت لأن مافي البيت إلا خالتها راحت المطبخ تجهز الغداء
رجع البيت بدري على غير عادته بس لأنه خلص شغله اليوم بدري وطلع .. توجه للمطبخ بيشرب مويه بس انصدم وهو يشوفها مثل الملاك انهبل عليها

خلصت ولفت وراها بتطلع شهقت بصدمه : خـ خـ خالد
خالد ابتسم طالعها من فوق لتحت : عيون خالد
صرخت بقهر: غض البصر لا تطالع
خالد : وين كنتي مخبيه هالجمال كله عنا
شوق صارت ترجف رجعت وراء وهو يقرب
منها وهي ترجع لين صدمت بالثلاجه لفت بتشرد
بس حط يده ومنعها وهو يتأملها بجرأة ووقاحه
عصبت و دفته بقوه رجع لوراء بس ما طاح لأن
دفتها مو قويه بالنسبه له
طلعت من المطبخ تركض و صدمت في خالتها
الخاله : عمى ما تشوفين
شوق : والله يا خاله انا اشوفك قدامي يعني اشوف
الخاله عصبت عطتها كف : تكلمي معي عدل ولا لسانك أقصه فاهمه
شوق باستفزاز : تقصينه بمقص ولا سكين
مسكت شعرها فتحت فمها بتهاوشها بس توسعت عيونها بصدمه وهي تشوف خالد طالع من المطبخ وهو يأكل تفاحه بكل برود
عصبت : انتي وش كنتي تسوين معاه بالمطبخ
خالد مقهور منها ابتسم لها باستفزاز
شوق وهي متألمه من شعرها : انا كنت اسوي
الغداء المفروض هالسؤال توجيه له
أم خالد بحده : خالد وش جابك المطبخ
خالد ونظره على شوق : جيت أشو ... أقصد اشرب مويه
أم خالد انقهرت من نظرات خالد شدت شعرها أكثر روحي غرفتك ولا تطلعين منها وحده حقيره ووقحه و يبي لك تربيه دفتها على الدرج شوق مسكت بالدرابزين ولفت لها : ربي ولدك أول هو الوقح والحقير مو انا وراحت بسرعه لغرفتها متجاهله صراخ مرت عمها
دخلت الحمام " وانتوا بكرامه " تسندت على الباب ونزلت دموعها مو قادرة تستحمل مرت عمها ولا ولدها خالد تكرهم خذت لها شور لانها ما تحب ريحة الطبخ لبست تنوره لي تحت الركبه وبلوزه كات سرحت شعرها ورفعته لبست عبايتها وشيلتها طلعت من الغرفه متجاهله كلام مرت عمها نزلت وطلعت للحوش خذت نفس عميق تكتفت ورفعت رأسها لسماء نزلت دمعه على خدها رفعت يدها ومسحتها تحس هموم الدنيا كلها عندها مرت عمها الي تضربها وتهينها وتهاوشها مخليتها خدامه واذا رفضت نزلت فيها ضرب وخالد وتصرفاته معها حتى أنها صارت تخاف لما تشوفه بعيد عنها تنهدت وجاء في بالها شخص
حست بيد انحطت على كتفها ارتجفت بمجرد انها توقعت أن هالشخص هو خالد
استغرب رجفتها : شوق وش فيك
شوق ابتسمت حست براحة بسماع صوته : مافيني شي
ناصر : اكيد
شوق : ايه
ناصر ابتسم : طيب ليش واقفه هنا لحالك
شوق بطفش : طفشت يا اخوي من البيت ودي اطلع اغير جو أحس اني مخنوقه
ناصر : طيب وش رأيك نطلع نتغدى برى
شوق :جد
ناصر : ايه جد
شوق ضمته بفرحه : فديتك يا احلى أخ سمعت صراخ أم خالد
تأففت بنفسها حتى الفرح ما تخليها تفرح
أم خالد : شووقووووووه ووجع
ناصر رفع حاجب " وش فيها تناديها كذا "
طلعت الحوش : شوق جعلك الما... سكتت وهي تشوف ناصر واقف مع شوق
ناصر باستغراب : خير خالتي وش بغيتي من شوق
أم خالد توترت : هاه بس أبيها تجهز السفره معي للغداء
خالد رفع حاجب : انا وشوق بنطلع نتغدى برى
أم خالد بغيض : طيب
دخلت وهي تسب في شوق ما تقدر تهاوشها قدام ناصر تخاف من شخصيته القويه
شوق : ثواني بس اجهز واجي مشت بتروح بس وقفت فجأه و كأنها تذكرت شي لفت لناصر : شهد جت
ناصر : مدري بعدين تعالي انتي جاهزه وخالصه

في هاللحظه دخلوا وهما يتهاوشون : هالبنت لا تمشين معها
: ليش ما تبيني امشي معها
: انتي ما تشوفين تصرفاتها وشكلها استغفر الله
: يا اخوي صديقتي وكيفي

انفجعوا من صوته : بس خلاص انت وياها
فارس بلع ريقه : السلام عليكم اهلا ناصر شخبارك
ناصر رفع حاجب : وعليكم السلامة زين تذكرت تسلم
شوق : المهم احنا بنطلع نتغدى برى بتجون معنا
فارس : لا تعبان وأبي انام
شهد : دقايق بس أبدل واجي
شوق ارتاحت أن شهد بتجي معهم
ناصر : اذا تأخرتي مشيت عنك
شهد راحت بسرعه تركض بدلت لبسها وخلصت لبست عبايتها وشيلتها ونزلت بخطوات سريعه وطلعت و مشوا

*****

وقفت السياره ونزل نواف بكل هيبة يمشي بثقل وقف قدام قبر أخوه وقرأ الفاتحه
وبغصه : آآآه يا اخوي يا عزوتي و سندي رحت وخليتني لحالي أحس الكل من حولي اغراب من بعدك شد على قبضة يده بقوه : مو قادر انسى طريقة موتك بس لو ألقاها راح اجيبها بنت ال###
وقف وتنهد : الله يرحمك ويغفر لك يا فهد
: طال عمرك الأستاذ فيصل اتصل وهو ينتظرك في مطعم الـ..
نواف لف له : طيب
توجه لسيارته وفتح له مدير أعماله الباب ودخل وراء وهو ركب بجانب السواق

*****

في المطعم
شوق وشهد وناصر قاعدين على الطاولة
شهد : مبسوطه كثير ياليت كل يوم تطلعنا نصور
ناصر : اصغر عيالك نصور
شوق تطالع بناصر وهي مستانسه الشاب المستهتر تغير
ناصر : وش فيك تطالعيني كذا
شوق ابتسمت : معجبه مو انت تجنن والبنات طوابير وراك
ناصر : تستهزأين
شوق : افا انا استهزأ بأخوي حبيبي
ناصر : احسب بعد
وقفت شوق
شهد وهي تشرب الميرندا : وين
شوق : بروح دورة المياه
ناصر : طيب انا بدفع الحساب وبطلع ننتظرك بالسياره
شوق : اوكي

يجلس في انتظار صديقه : غريبه أن نواف يتأخر هو دقيق بمواعيده لف بنظره في أرجاء المطعم ولفت نظره بنت عليها جسم رشيق انتبهت له وطالعته بنظره أقرب إلى الاحتقار وبكل غرور لفت وجها ولا كأنها شافته
ابتسم : أخ عليها عيون وجسم خيال

شوق وهي طالعه من الحمام تمشي ونظرها للأرض متوجه لخارج المطعم صدمت بشخص رفعت رأسها بتعتذر وجات عينها بعيونه البنيه الداكنه برموشها
الكثيفه ونظرتها الحاده وخشمه المرفوع بشموخ بشرته البرونزيه رفعت نظرها لشعره الأسود الناعم وكم خصله طاحت على جبهته نزلت نظرها : آسفه ومشت ما انتبهت لملامح وجهه الي تغيرت

طالع مكانها يستوعب توسعت عيونه بصدمه: هي والله هي نفس العيون والطول لف بسرعه وراه ومشى متوجه لخارج المطعم لف بعيونه بكل مكان يدور البنت بس ما لقى لها أثر
مدير أعماله : طال عمرك تدور شي
لف عليه بسرعه وهو يقول بصدمه وتوتر : جواد ما شفت بنت طلعت قبل خمس دقايق
جواد عقد حواجبه : في بنات كثير ما ادري من تقصد يا طويل العمر
نواف ضرب قبضة يده بكفه بعصبية : هاذي المره الثانيه الي تضيع مني دخل المطعم عند فيصل
( المره الأولى هي لما صوبت عليه وهربت و ما قدر يمسكها و هالمرة الثانيه )

فيصل : وش فيك تأخرت
نواف : رحت المقبرة وانا جاي هنا شفت البنت بس أخ ضاعت من يدي
فيصل باستغراب : أي بنت!!
تنهد نواف : البنت الي قتلت فهد وصوبت علي
فيصل بصدمه : انت متأكد أنها هي
نواف : لا
فيصل : طيب يمكن مو هي
نواف : نفس العيون بس لو كانت بدون اللثمه كان تأكدت
فيصل : وش تبي اطلب لك

*****

اما شوق متضايقه لانها دققت النظر فيه مهما كان هو رجال غريب تنهدت ولفت جهة الدريشه بسرحان وصلوا البيت وكل منهم راح غرفته
شهد : شوق فيك شي
شوق : لا
شهد : طيب انا بنام قعديني لما يأذن المغرب بصلي
شوق : طيب حبيبتي .. قعدت في الغرفه ما تبي تنزل لأن اكيد خالد تحت سرحت وجاء في بالها الشاب الي شافته في المطعم : وش فيني أفكر فيه كثير عليه عيون عذاب بس لمحت فيها الحزن يا ترى وش صار معه تنهدت : اوف وانا وش دخلني فيه

على المغرب صلت وقعدت أختها تصلي .. لبست عبايتها وشيلتها وهي تتأفف الواحد ما يأخذ راحته في هالبيت نزلت شافت عمها في الصالة : السلام عليكم
أبو خالد ابتسم : وعليكم السلام كيف حالك يا بنتي
شوق باست رأسه وقعدت : بخير بس ابي اكلمك بموضوع ياعمي
أبو خالد : أمري
شوق : ما يأمر عليك ظالم يا عمي ترددت
أبو خالد شاف ترددها سكت يبيها تكمل
شوق : ابي اشتغل
أم خالد الي دخلت عليهم : ايش لا طبعا شغل تشتغلي في البيت وبس
أبو خالد : لك الي تبينه ما عندي مانع انك تشتغلين
شوق بفرح : جد
أبو خالد ابتسم : ايه
شوق قامت باست رأسه وطلعت
أم خالد : انت كيف ترضى انها تشتغل
أبو خالد لف لها وببرود : حرام عليك البنت مالها غيرنا وانتي طول الوقت تهزأينها تشتغل احسن شوي ترتاح منك
سكتت بقهر هي تكرهم لولا خوفها من زوجها كان طردتهم من زمان من بيتها ما تبي تشوفهم

راحت بسرعه و طقت الباب على ناصر بس ما سمعت رد طقت مره ثانيه وانتظرت أنفتح الباب شافته المنشفه على خصره شكله كان يأخذ شور
شوق لفت : هييي ياللي ما تستحي روح البس
ناصر ضحك : طيب ادخلي
دخلت شوق و نزلت شيلتها على اكتافها ولفت جهة الشباك خذ ملابسه ودخل الحمام لبس وطلع : وش فيك
شوق لفت له وبدلع : نصور
ناصر : اخلصي وش تبين
ضحكت وقعدت قدامه على الكنبه وبتردد : ابي اشتغل ناصر طالعها فتره
شوق حست بإحباط مستحيل تشتغل اذا ما وافق
ناصر ابتسم على احباطها : ما عندي مانع
شوق استوعبت وبفرحه باست خده : الله لا يحرمني منك
ناصر : امين ولا منك
وقفت ولبست شيلتها و طلعت وهي فرحانه اختفت ابتسامتها اول ما شافت خالد و سرعان ما رجعت له إلابتسامه مشت جهته وهو ما صدق هاذي اول مره تبتسم له بس أنصدم أنها مشت من جنبه ولا عبرته
شوق : زياد وينك ما تنشاف
زياد : هلا شوق اخبارك
شوق : بخير يالغالي ليش ما صرت اشوفك واحشني يالدب
زياد ابتسم : والله البيت صاير ممل وما أحب اقعد فيه فأطلع
شوق لعبت بشعره : طيب حبيبي اهتم لدراستك اوكي خالد بعصبيه : زيااااد
زياد : نعم
خالد : روح ذاكر
زياد : ذاكرت
خالد : طيب روح العب بلاستيشن
زياد رفع حاجب : ياخي ليش معصب
شوق مسكت يده : تعال معي بقول لفارس يلعب معك
زياد : طيب
خالد : شوق لحظه قرب منها : انت روح لفارس
زياد : طيب مع السلامه شوق
شوق : خير وش تبي
خالد مسك يدها : شوق
شوق سحبت يدها بقوه : خالد وخر انا ما أحب اشوف وجهك واذا ما وقفت عن ازعاجي راح أقول لناصر
لفت عطته ظهرها بتمشي وهي ترجف خوف منه

خالد مصدوم بس مسك معصمها ولفها له مسكها من اكتافها وهي تجمعت الدموع بعيونها قرب من وجها وهمس لها : بس انا أحبك ولف لخدها وباسها
شوق تجمدت طالعته ورفعت يدها و عطته كف وراحت تركض لغرفتها دخلت تسندت على الباب مسحت خدها بقرف و بكت
شهد راحت له : شوق وش فيك
شوق ببكى : الحقير أكرهه الله يأخذه
شهد بخوف على أختها ضمتها : من وش سوى لك
شوق : خالد أكرهه
شهد تمسح على شعرها : حبيبتي اهدي الله لا يوفقه
شوق : مو كافي أمه وهو بعد مأذيني تعبت يا شهد والله تعبت
شهد نزلت دموعها و مسحتها : خلاص قومي غسلي وجهك الله ما ينسى أحد
شوق وقفت : والنعم بالله

*****

في قصر نواف
قاعد على اللاب يخلص شغله ويشرب قهوته
روان بدلع : نوافي
روان : أمم شرايك نطلع نتعشى برى من زمان ما طلعنا مع بعض
نواف قفل اللاب ووقف : لا نازل اتعشى مع الوالده
روان بقهر : اوووف
نواف لف عليها بنظره روان بلعت ريقها : ببدل والحقك
طلع من الجناح ونزل لغرفة الطعام : السلام عليكم ردوا السلام سحب كرسي بجانب أمه من جهة اليمين مكانه على الطاولة
أم نواف : يمه نواف صار لك أسبوعين ما تتعشى معنا بس الغداء ومن بعده ما نشوفك صاير معك شي
نواف ابتسم وهو يشوف بعيونها الحزن ما يبي يشوف هالحزن بعيونها بس هي حزينه على ولدها : يمه مشغول شوي لا تحاتين مافي شي
ريما : خالو وين روان
نوف مليت فمها : لا يكون بس ما تبي تقعد معنا
نواف : لا الحين بتنزل
دخلت روان عليهم : هاي
الام : هلا بنيتي روان
روان : اخبارك يا عمه
أم نواف : الحمدلله
روان قعدت جنب نواف وبدوا يأكلون بهدوء ما ينسمع غير صوت الملاعق والسكاكين
قطع هالهدوء صوت رشا : غريبه نواف انك ما سافرت نواف : ليش ما تبيني اقعد معاكم خلاص من بكرا مسافر
أم نواف : لا يمه خلك بين أهلك و ناسك احسن من السفر
رشا : امزح معك نواف اكيد نبيك بينا بس انت أغلب اشغالك برى المملكه
نواف ابتسم : أخلص شغلي الي بالمملكه وبعدين بسافر اشوف الشغل خارج
ريما : يووه خالو لازم كل فتره تسافر
نواف : ايه حبيبتي اشغال

وسرح بتفكيره في البنت الي شافها اليوم وبالأخص عيونها المهم أنها للحين موجوده في الرياض يعني راح ألقاها دام انها ما طلعت برى المملكه

*****

صلت الفجر وقرت الأذكار نزلت تجهز الفطور روتين يومي جهزت الأكل وراحت للغرفة تنهدت : شهوده للحين ما صليتي
شهد فتحت عيونها : طيب الحين بقوم أصلي
شوق : بسرعه
وقفت قدام التسريحه سرحت شعرها ورفعته ذيل حصان ولبست حلق ناعم
شهد ما خذت شور توضات ولبست جلال الصلاه وصلت وقعدت تتجهز للجامعة
شوق : والله شكله فارس راح يخليك يروح
شهد : بذبحه
شوق هي تلبس الشيله والعبايه وتمشي : يالله بسرعه عشان تفطرين ما بقى إلا احنا و طلعت
شهد تلبس عبايتها والشيله وتأخذ شنطتها الجامعيه ونقابها وتنزل شوق قعدت جنب ناصر وبدت تأكل
شهد : سلام
فارس : لازم تتأخرين دايما
شهد قعدت : فارس ما تأخرت اليوم
شوق : الحين تريقي وبعدين تكلمي معاه
شهد : طيب
فارس : بسرعه
شهد : اوه فارس خلني لو مره واحده أكل براحتي
فارس : طيب خلي ناصر يجيبك
ناصر : لا انا ما اقدر لازم اروح الحين لشغلي وقف : عن أذنكم
أبو خالد : خلاص يا فارس روح وخالد يوديها
شوق توسعت عيونها وكانت راح تقص بالعصير
شهد بسرعه وقفت : فارس يالله وراحت معه
خالد : يالله زياد اوديك المدرسه
زياد : يالله
أبو خالد قام وراح شغله

أم خالد لفت لشوق بحقد : هيه انتي الشغل تشيلينه من رأسك
شوق : آسفه هاذي حياتي وانا حره ما لأحد دخل فيها اشتغل أو اسوي الي أبيه محد له دخل فيني دام انه عمي واخوي راضيين الباقي ما يهموني
أم خالد عصبت خذت العصير ورمته على وجه شوق : تكلمي معي بأدب يا بنت راشد لا تنسين انه لو ما بيتي كان انتو بالشارع
شوق بقهر وقفت : والله هذا بيت جدي ما هو بيتك
أم خالد : شيلي السفره وغسلي المواعين
شوق راحت وتجاهلت كلامها
ما حست إلا بيدها تمسكها بشعرها : انا لما اكلمك ما تعطيني ظهرك وتمشين فاهمه
شوق بألم : فكي شعري
أم خالد دفتها بقوه على الطاولة : ما سمعتي الي قلته شيلي الصحون وغسليها
شوق بنفسها " الله ينتقم منك "
شالت الصحون و غسلتها و هي منقرفه من العصير الي على وجها و رقبتها غسلت وجها من دموعها الي نزلت وطلعت من المطبخ ..
راحت غرفتها خذت شور ولبست بلوزة خضراء وبنطلون جينز لبست صندلها ورفعت شعرها على شكل كعك ولبست عبايتها وشيلتها و اللثمه خذت الجوال والبوك في الشنطه وملف في يدها نادت السواق وراحوا ..

في الجامعه
قاعدة في الكافتيريا لحالها سانده ظهرها على الكرسي وفي يدها كوفي تشرب و مقهوره حدها تبي تستفز أي بنت عشان تتهاوش وياها وتطلع قهرها فيها
: هاااي
شهد : هلا خلود
خلود سحبت الكرسي وقعدت : وش فيك قاعده لحالك
شهد و هي تشرب الكوفي وتنزله : أحب الوحده
خلود : ليش طردتك الدكتوره من المحاضره
شهد بقهر : كنت أسأل البنت الي قدامي عن المحاضره صرخت علي وطردتني
خلود ضربت الطاولة بيدها : بس عجبتيني لما قلتي لها وهي تقلد غرور شهد : والله محاضرتك ثقيله واحمدي ربك اني تحملت ثقلها كل هالوقت كانت شوي وراح تنفجر من القهر
ضحكت شهد : علشان تعرف من شهد راشد ال...
خلود : يا قويه
شهد : خلود قومي نمشي
وقفوا وطلعوا من الكافتيريا
جات بنت : انتي شهد راشد
شهد بغرور : ايه انا هي
البنت ممكن أكون صديقه لك انا معجبه فيك كثير
شهد طالعتها : ما أحب الصداقات اسفه
البنت وهي تأشر على خلود : وهذي البويه شنو عاجبك فيها
خلود بحده : هيه احترمي نفسك لا ادفنك لمكانك الحين
البنت طالعتها بنظرة احتقار من شكلها وطريقة كلامها
خلود عصبت شهد مسكتها : هذا شي راجع لي مالك دخل فيه ومشت هي وخلود

لفت البنت لوراها على صوت أحد يناديها : أميره
اميره : هلا نوف
نوف : وش كنتي تبين من هالبنت
اميره : كنت ابي اصير صديقتها بس رفضت صدق من قال مغروره
نوف: امشي بس عندك انا وش تبين فيها
اميره ضحكت : فديتك يا احلى نوفه

*****

في قصر نواف ..

قاعد في الحديقة يدخن جاءت له أمه
نواف : هلا بالغاليه اخبارك
الأم : تمام بشوفتك
نواف وهو ينفث الدخان : أن شاء الله دوم
أم نواف : يمه التدخين مو زين لك
نواف وهو يرفع السيجاره يأخذ نفس : يمه وش اسوي ما اقدر اقعد من غير ما ادخن
أم نواف : بس راح تضرك بطلها عشاني
نواف مسك يد أمه وباسها : أن شاء الله يمه بس ما أوعدك مع اني اطلع كل قهري فيها بس عشانك بحاول
أم نواف : وش الي مضايقك من الي يقهر ولدي
نواف : محد يمه
أم نواف بضيق : انا خايفه عليك يمه انت تدري انه ما بقى لي غيرك
نواف شاف الحزن والضيق بعيونها تضايق طفى السيجاره بالطفايه : طيب يمه بحاول ابطلها
أم نواف بابتسامة : الله يرضى عليك
عم السكون المكان لدقائق تكلمت الأم : نواف صاير شي بينك وبين روان
نواف طالع لأمه ..
****

جراح : هلا فيك جيت أسلم على ولد عمي وأسأل عن أحواله
فيصل سلم عليه : اخبارك يا جراح
جراح : الحمدلله تمام ولف لنواف : اخبارك يا نواف
نواف : تمام
جراح : وأتت يا فيصل
فيصل : الحمدلله
جراح : يالله انا استاذن
نواف : وين توك وصلت
جراح : لا بطلع مع اختي بعد اذنك
نواف : طيب بحفظ الله
فيصل : على الأقل قاعد شوي
جراح : الجايات كثيره وراح تملوني
نواف : ما راح نملك يا الغالي تعال بأي وقت
جراح : تسلم وطلع اتصل لروان
فيصل : وانا استأذن
نواف : والله ما تروح نتغدى و نطلع سوا
فيصل : دامك حلفت خلاص قاعد
*****

شهد تصحي شوق : شوق قومي كل ذا نوم
شوق فتحت عيونها : وش فيك
شهد : انتي تعبانه
شوق : لا مافيني شي بس بعدي عني
شهد : بس ترى الحين بيأذن المغرب وانتي للحين نايمه
شوق بعدت اللحاف وقعدت : جد
شهد : ايه يالله قومي صلي العصر تعبت وانا اقعد فيك حتى غداء ما تغديتي
شوق : والله رجعت تعبانه خذت شور ولبست البيجامه و رحت في نومه
شهد : من وين رجعتي
شوق تربعت : اليوم توظفت في شركه معروفه باركي لي
شهد بفرحه : الف مبروك ياقلبي
شوق : الله يبارك فيك
شهد : يالله بسرعه قومي صلي قبل لا يأذن المغرب وانا بروح أجيب لك أكل
شوق وهي رايحه للحمام ارسلت لها بوسة بالهواء
شهد ابتسمت وراحت تجيب لها الأكل
بعد ما صلت وكلت إذن المغرب
شهد : شوق ابي اروح عند خلود
شوق : وانا اقول وش فيها مهتمه فيني زياده كل هذا عشان تبين تروحين لخلود طيب روحي
أنطق الباب
شوق : أدخل
شهد : هلا فارس نورت الغرفه
فارس ابتسم : منوره بوجودكم
شهد : انا بقوم اتجهز اوكي
شوق : اوكي
فارس : وين رايحه
شوق : عند خلود
فارس بعصبيه : لا مافي روحه
شهد : ليش
فارس : الف مره قلت لك هالبنت ابتعدي عنها مو مرتاح لها و الله لما اشوف أسلوبها و حركاتها أحس بغثيان
شهد بقهر : وانا ابي اروح انت تعرف أن صديقتي الوحيده واعزها حيل
فارس : شهد قلت لا خلاص
شهد طالعت شوق تبيها تقنعه : شووق
شوق: فارس خلها تروح علشاني وبعدين صديقتها من الطفولة وجيران عشرة عمر يا اخوي
فارس بقهر : بس هي تغيرت مو مثل زمان
شوق : فارس عادي كل من يتغير
فارس طالع أخته : خلاص روحي بس عشان شوق
شهد بفرحه ضمت شوق : الله لا يحرمني منك
شوق ابتسمت : آمين
شهد راحت تتوضا وتصلي المغرب وتتجهز وتروح
فارس : هاه وش صار معك اليوم
شوق الحمدلله لقيت شغل من بكره بداوم
فارس : الله يوفقك ووقف طلع بيروح يصلي بالمسجد
طلعت شهد وصلت .. شوق بعد ما صلت فسخت الجلال وهي تناظر أختها لي واقفه قدام التسريحه : شهد لا تتأخرين في الرجعة مالي خلق مشاكل مع ناصر
شهد وهي تلبس عبايتها : طيب
شوق : خلي زياد يروح معك
شهد وهي تعدل شيلتها وتأخذ نقابها : اوكي مع السلامه
شوق : بحفظ الله

طالع من غرفته وهو كاشخ على الأخير وريحة عطره ملت الصاله التفت له : نصور كاشخ وش عندك
ناصر ابتسم : عندي حفله مهمه
شوق : يعني بتتأخر
ناصر : ايه اكيد
شوق بشك : ناصر ليكون
ناصر قاطعها : لا مو الي تفكرين فيه تدرين اني تركت هالسوالف و ما راح ارجع لها
شوق : ان شاء الله والله يحفظك
تقدم بأس رأسها تهتم فيه و تنصحه كأنها أمه مو أخته
يحبها أكثر من أي شخص
شوق تنهدت وهي تشوفه يروح : الله يبعد عنك عيال الحرام

انتهى البارت ..






kh/v ud,kd ,j]vd ,a ;ev hi,h; ,j]vd hi,h;




 توقيع : قمر و هلال


رد مع اقتباس
قديم 11-25-2017   #2
المدير العام للمنتدى


الصورة الرمزية موج البحر
موج البحر غير متواجد حالياً

بيانات اضافيه [ + ]
 رقم العضوية : 65
 تاريخ التسجيل :  Aug 2013
 أخر زيارة : منذ أسبوع واحد (04:42 PM)
 المشاركات : 39,209 [ + ]
 التقييم :  904
 MMS ~
MMS ~
 قـائـمـة الأوسـمـة
وسام العطاء

الإبداع

وسام شكر وتقدير

الوسام الذهبي

وسام الذوق الرفيع

مؤسس الموقع

وسام النجم المضيئ

شكر وتقدير

الوسام البرونزي

كبار الشخصيات

لوني المفضل : Cadetblue
افتراضي



قمر وهلال

جزاك الله الخير والثواب

وشكرا لك على الطرح الراقي

احترامي


 
 توقيع : موج البحر







رد مع اقتباس
قديم 11-25-2017   #3
مديره عامه على المنتدى


الصورة الرمزية قمر و هلال
قمر و هلال غير متواجد حالياً

بيانات اضافيه [ + ]
 رقم العضوية : 1346
 تاريخ التسجيل :  May 2017
 أخر زيارة : منذ 15 ساعات (08:11 PM)
 المشاركات : 8,243 [ + ]
 التقييم :  909
 قـائـمـة الأوسـمـة
وسام الابداع

وسام شكر وتقدير من الاداره

شعلة المنتدى

وسام قمر المنتدى

لوني المفضل : Cadetblue
افتراضي



موج البحر
مشكور على المرور المتواضع
نورت الصفحة و الموضوع
الله يعطك الف عافية


 
 توقيع : قمر و هلال



رد مع اقتباس
إضافة رد

الكلمات الدلالية (Tags)
ناظر, وتدري, اهواك, عيوني

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


RSS RSS 2.0 XML MAP HTML

الساعة الآن 12:04 PM

أقسام المنتدى

|• آلـمـنـتـديـآت آلإسـلآمـيـة •| | | فـي رحـآب آلإيـمـآن | | | رسـولـنـآ مـحـمـد صـلـى آلـلـه عـلـيـه وسـلـم | | | آلـصـوتـيـآت آلإسـلآمـيـة | | المنتديات العامـــــــــــه | | القسم عـآمـ | | | آفتح قلبكّ | | | الاخبار العاجله |• | اللغه English| | |• فـجـر جـديـد •| | ملتقى الاعضاء | |• إسـتـرآحـة آلأعـضـآء •| | نـجـوم أثـبـتـت وجـودهـآ ... فـي إبـدآعـهـآ | | كـرسـي آلإعـتـرآف ، ومـدونـآت آلأعـضـآء | | كـرسـي آلإعـتـرآف | مدونات الاعضاء | السياحـــــه والسفـــــــر | السياحـــــه والسفـــــــر | |• آلـمــטּــتـديـآت آلأدبـيـة •| | |الشعر الشعبي | | | خواطر نبضّ الوريد | | |الروايات .... روايتي| | |القصص العامه | | |• عـآلـم آلأسـرة •| | | عالم الطفل| | | آلـصـحـة وآلـرشـآقـة | | آلـمـطـبـخ | | فـنـكـ وبـيـتـكـ | | | عـآلـم آدم | | | جـمـآل وأنـآقـة حـوآء | | |• آلـتـرفـيـهـيـآت •| | عـآلـم آلـسـيـآرآت وآلـمـوآصـلآت | صـدى آلـمـلآعـب | جـنـون آلـصـور | الهبال والصرقعه | آلألـعـآب والتسالي | تـقـنـيـة تـكـ | بـرآمـج آلـكـمـبـيـوتـر | بلآك بيريّ | مـوبآيـلـي ... عـآلـم مـن إخـتـيـآري | Youtube | التصاميم والجرافيكس | المنتديات الإدارية | المحذوفات والمواضيع المكررة | قسـم المشرفين والمراقبين | الشكاوى والأقتراحات | الإدارة |



Powered by vBulletin® Copyright ©2000 - 2018, Jelsoft Enterprises Ltd.
Search Engine Friendly URLs by vBSEO 3.6.0 PL2 TranZ By Almuhajir
new notificatio by 9adq_ala7sas
This Forum used Arshfny Mod by islam servant

Security team

vEhdaa 1.1 by NLP ©2009